„Markmið okkar er að hver og einn nemandi fái að vera virkur þátttakandi í daglegu starfi“ : þroskaþjálfinn í leikskóla án aðgreiningar

Í þessu verkefni er sjónum beint að þroskaþjálfum sem starfa í leikskólum. Fjallað er um hlutverk þroskaþjálfa í þverfaglegu starfsumhverfi leikskóla án aðgreiningar og hvernig fagstéttin getur ýtt undir þátttöku barna með sérþarfir í daglegu leikskólastarfi. Verkefnið byggir að mestu á fræðilegum heimildum en til að fá dýpri innsýn í starfshlutverk þroskaþjálfa í leikskólum voru tekin viðtöl við tvo þroskaþjálfa sem starfa í leikskóla. Farið er yfir lög og reglugerðir sem tengjast leikskólanum og réttindum barna. Horft er til skóla án aðgreiningar og hvernig áskoranir birtast í framkvæmd hugmyndafræðinnar. Rýnt er í starfskenningu þroskaþjálfa og fjallað um fagmennsku í starfi, ásamt því að fara yfir sérþekkingu og viðhorf fagstéttar þroskaþjálfa. Að lokum er fjallað um þroskaþjálfann í þverfaglegu teymi og hvernig ólíkar fagstéttir geta unnið saman að sameiginlegum markmiðum og myndað lærdómssamfélag. Niðurstöður verkefnisins gefa til kynna að með góðu samstarfi þroskaþjálfa og annara fagstétta innan leikskólans er hægt að fjarlægja hindranir og aðlaga leikskólastarfið að þörfum allra barna og efla þannig til virkrar þátttöku